الافارول

شريعة الغاب ياعم حجاب تسود ..

ماهي مصر متسابة ..

وزرق الناب صحاب واحباب ..

ولبس شيوخ على ديابة ..

عويل وصراخ .. وطاخ طيخ طاخ .. 

وهيصة وزفة كدابة ..

- لحقت مناب؟

- ده أكل كلاب !  .. هاتولي بسرعة ندابة !

- تاخد نقابات؟

- معاك حكومات؟ مفيش رئاسات؟؟

- حـ تتغابى؟؟؟؟

عاوز ثوار .. عاوز احرار .. معانا .. 

البطن قلابة ..

عاوز تحكم؟ عنيا الجوز .. ح اشوفلك حتة جذابة ..

هوا بحري يرد الروح ..

وشعب جميل .. ظريف .. بحبوح ..

خلاص نمضي؟؟؟

عليك واحد ..

عليك اتنين ..

عليك  .. افارول ودبابة ..

هشام حسني

القاهرة

يونيو ٢٠١٢