جُـمهـوريّة كـَـإن

وكـإن فيـهـا رَجَــا ..

وكإن فيـهـا شعْـب ..

ياترَى اللى سافِـر نَجَـى؟ ..

ولا غِــرقِ مِـ الغُـلْــب؟ ..

وكـإنّـنــا بِـنشْـتـغَـل ..

وكإنـنـــا بِـنِـقْـبَــض ..

دسّـاس يا عِـرْق الهَبَـل ..

مِـستـنّيـيـن نِنـهَـــــض ..

وكـإنّـهــا والـدِتَك ..

وكـإنّـهــا حنَـيّنــة ..

ماتـقُـولشِ إيــه ادّيتَــك ..

لِـيـها خِلْـفـة مش زيّـنـا ..

وكـأننـا بنِـخْـتِـشي ..

وكـأننـا بنِـخْـشَــع ..

"يا لايْقَـه فِـ الشّـفْتِـشـي ..

مـن غِـير جَـوَاز يِنْـفَـع؟" ..

وكــإنّ فِـيـها نـظــام ..

لأ مِـاشْــية بِمـازُورَة!! ..

بــسّ النّـظَــام بِيْـنَــام ..

لِــ"ميــزان" و"دَبّـــورة" ..

وكــإن فِـيــهـا دَوَا ..

مش مَصْلَحة ومَزاج ..

ماتِ العَـلـيل مِـ الهَـــوى ..

هُـوّ الهَـــوى لُـه عـــلاج؟؟

وكـأنّـنـا بنِـنْـتِــشي ..

وكـأنـنـا بــنِــــفرح ..

تِـدّى الحَـيــاة بِعْـضِـشي ..

ومانِـلْـقَـالُـــوش مَـطْرح ..

وكـإن فيـهـا رَجَــا ..

وكإن فيـهـا شعْـب ..

ياترَى اللى سافِـر نَجَـى؟ ..
ولا غِــرِق مِـ الغُــــلْب ..

هشام حسنى

القاهرة     

يناير ٢٠١٥