البُــنّ

- تحِــبّ تِشَـرب قهْـوة إيــه؟

   تحب تشرب نسكافيه؟

= جرّبت اشْـرب نسكافيـه .. وساعاتْ لاتيـه .. 

  جرّبت برضُـه حاجات كتير معْـرفش ليــه ..

  ورجِـعْـت تانـي للقَــديـم .. 

  كَـنَـكـة وسِـبِـرتايَـة وحبّـة حَـبّـهـان ..

  وزوّد السّـكّــر خَـفِـيف ..

  واصْبُـر عليه علشــان يـدُوب ..

  واعذُره .. لو داب ومش قادر يتُــوب ..

  وسِـيـبْـها حبّــة ..

  عَــ الهــــــاَدى بَــس ..

  الهَـادى دَه طَـبْـع المَـحَـبّـة ..

  عِـينَــك عَلِـيهـــا ..

  حاسِـب لَتِجْــرَح وشّــها ..

  القهْــوة دي علشان تحاوِل تِسعِدَك ..

  شافِــت كتِـيـر ..

  خِـلْصـت خَـلاص؟

  هاتْ كُرْسـي واقْعُـد فِـ التّـراس ..

  مَبْـروك علـيـك ..

  فِنْـجانَــك المظْبـوط تَمـــام ..

  مش مُمـكن البُـنّ المحـوّج يخْـدَعـك ..

  مش ممـكـن القـهْـوَة تِغِـشّ ..

  علشان بِــوِشّ ..

  مش ألْـف وِشّ!!

هشام حسني

٢٠١٦     

المُـــدَرّج

 سِـلّـم مُـدَرّج ..

وِعـيـَال يا دُوب تِـعْـرَفْ تهَـرّج ..

عـايْـشَـة الحَـياة مِـنْ غِـيـرْ شَـقَـا ..

يـا بُـكْـرَة بُـصّ اسْـمَـع بَـقَــى ..

أَحــلامِى لِـسّــه محَــنْـدقَــه ..

أحْــلامِـى بَـس افْــضَـل كِـده ..

يِـفْــضـلْ مَـعايــا واكَـلّــمُــه ..

نِـفْـسِـي النّـهَـارده أفَـهّـمُـــه ..

أنـا مـالِـى لِـيه متْـلَـخْبَــطَــة؟

دُول كِـلْـمِـتِــيـــن ..

مِـن غِـيــرْ كَـلام وَلا سَـفْسَـطَــة ..

أنـا بَــس عَـاوْزَه أقُـولّــه: إنْـتَ المُـشْكِـلَـة ..

فَـاكِــرْ سُـؤالَـكْ مِـن يُـومِـيـن؟

"مَـشْـغُـولَـة لِـيــــه؟"

إنْـت السّــبَـب ..

يا تَـرى انْـتَ فَــاكِـر قُـلْـت إيـــه؟

فَــاكِــر أكِــــيـــد ..

خَـلّـتْـنِـى احِـسّ كَـأنّــي عَـايْـشَـة مِن جِـديــد ..

خَـلّـتْـنِـى احِـسّ بكُــلّ حَـاجَــة وعَـكْـسَـهَـــا ..

أرْجُـــوك بَـــلاش ..

أرْجُـــوك بَـــلاش كُـلّ الكَـلام أبُـو مَـعْـنَـيِـين ..

مَـابَـقِـتْــشِ عَـارْفَــه انَـا رايْــحَـة فِـيــن ..

عَــارْفَــاك أنَـــا ..

وِدِى مُــش سَــنَــه ..

لأ .. دُول سِـنِــيـن ..

عَـارْفَــاك أنَــــا ..

قُـولُـهَــالِـى حَتّـى وَلَـوْ هِــزار ..

شَـايْـفَـاهـَا فِى حِـيـرِة عِـيـنِـيــك .. 

حَـاسّـاهَــا فِـى رَعْــشِـة إيــدِيــك ..

قَـلَـقَــك عَـلـيّـا بيِـنْـتِـهى بقَـلَـقِـى عَـلِـيـك ..

خَــايِــفْ عَـلَـيَـــا؟

أنَـا كَـمَــانْ خَـايْـفَــة عَـلِـيــك ..

فَــاكِــر سُـؤَالَــك مِـن يُـومِــين؟

مَـشْـغُــولَــة لِــيه؟

مَـشْــغُــولَـــة بِـيـــك ..

هشام حسنى

يناير - ٢٠١٦