سيد قراره

القضا سيد قراره ..

وان حكم سيد قراره ..

حكم سيد بيه قراره ..

عمره ما ح يسريش عليه ..


قوللي ليه !


برلمانك فيه عوار ..
ثلثه بس من الكبار ..
والبقية .. مع الشوار ..
كل ده مثبوت في قايمة ..


برلمانك ده افتكاسة ..
لا وكمان عاوز رياسة ..
كنت خليتك في ناسا ..
او محافظ او وزير ...


ما احنا قلنا بشكل ودي ..
مرة تاخد .. مرة تدي ..
قلت لأ ماياكلش عندي ..
ح اكله كله ومش حسيب ..


ماشي !!


قولي رأيك ف اللي جاية ..
عندي شرطة عسكرية ..
قلت اهاديها بهدية ..
من شعور بالمسئولية ..
ميري .. ملكي .. تمسكيه ..


جبت مرسي .. جبت شاطر ..
البلد ملك العساكر ..
والقانون لو لسه فاكر ..
مجلسي بيمضي عليه ..

هشام حسني

القاهرة

يونيو 2012