ماقُـلتِش لِيـــه؟

ما قُـلْتِـش ليــه؟

ما كُنْـت هـ تِـيجـي وماجِيتـشي ..

ما قُـلتِـش ليــه ؟

عَشَــان مشـغُول؟

ما كُنـت تقُــول ..

عشَـان زعـْــلان؟

هـ اصالْحَـكْ حتّـى مِن غِيـر ما اعـْـرف الأسْـباب ..
ومِـن غـير أيّ لُــوم وعتـــاب ..
هـ اصالحَـكْ .. آه .. عشَـان خـاطْـري ..
ومِـن بَــدْري ..

هـ اصَالحَـكْ أَصْلِـى مش هـ اقْـدَر نِكون أغراب ..

ودِي بَرضُه ماهيـش قصّة يـوميـن وخَـلاص ..

دَه عُـمْر بحَــالُه صَدّقْــنِي ..

ده عُـمْري واتْـقَـسم  نُصَـيـن ..
أقولّـك حاجـة وتصَـدّق؟؟

دِى حـاجَـة .. بُصّ مُـش عارِف أقُـولْها ازّاي ..

دِي حاجَــة .. بُصّ مالْـهـاش فِى الحيَـاة تَـَوْصيف ..
عَـشان بـلاقِيـني مِـحْـتاجـلَـك ..
وباشْـتاقْـلَـك ..
وبانْـدهْـلَـك ..
وبَاجْـري عليــك ..
وباحْـكيلَـكْ حكايْـتى معـَاك ..
كإنّــك شُـوف ماتِـعرَفْـهـاش ..
باقُـولّلك حَاجَة مالْهــاش فى الحياة توصيف ..

خـلاص هـ استنّـى منّـك ردّ ..
هـ تيـجـي بجــد؟؟
هـ تِتْــكلِّــم؟؟
بجـدّ .. بجـدّ؟
خـلاصْ هـ استـنّـى منّـك رُوح ..
خـلاصْ هـ استـنّى تِرْجعْـلي حياتِـي معـاك ..
ووَعْــد بجَــدّ مـشْ هَـ اسْـأَل عنِ التّـفاصيـل ..
هـَ اقُـولّـلك بـسْ واحْكِـيلَـك واحِـشْـنِـى ازّاي ..
واقـولّـك بَرضُه لـو تِسْـمَح .. ماتِـبعـدشي ..
وهَـ اشْـكيلَك كتير منّـي ..
عَـشان فِـي مـرّة كُنْـت فـ يُـوم بعيـد عنّـي ..
ومِحتـاج لَـك تِـطِـمّـنّـي ..
وتِسمَـعـْـنـــي ..
ومَـعـرفْـتِـش أقُـول يُـومْهــا .. خَـلّي قـلْبي معــاك ..

هشام حسني 

أغسطس - ٢٠١٧