خَاتَمُ الأَلْمَاس

أدْعُو لِنَفْسِي عَسَايَ أَمْ أَدْعُو لَهَا؟

بالصّبْـرِ يَأْتِينِي أَمْ بِالسّعْدِ يَأْتِيــهَا؟

زّفّــــتْ إِلَــيّ بِشَــارَاتٍ تُـعَــذّبُنِــي

وَأَطْـلَقَــتْ فِيّ أَشْيَـاءً كُنْتُ أُخْفِيهَا

تَـلْهُــو بِنَـا الدّنْيِــا كَمَــا يَحْلُـو لَهَا

تُــدْنِـي قُلُوبـاً إذَا شَاءَتْ وَتًقْصِيهَا

*   *   *

يَا خَــاتَـمَ الأَلْمَـــاسِ إِنْ زَيّنْتَــــهَا

زِدْ فِـي بَرِيقِــكَ دَوْمَاً عَـلّ يَعْنِيـهَا

يَأتِـي بَــرِيقُـكَ ﻻ مِـنْ دُرّةٍ لَمَـعَـتْ

بَـلِ البَـرِيـقُ لِمَـنْ بِالــدّرِّ يُهْدِيــهَا

نُقِشَتْ عَلَيْكَ حُرُوفٌ لَسْتَ تَعْقِلُهَا

وَنَقَشْـتُ حَرْفِـي بِقَلْـبٍ ظَلّ يُحْيِيْهَا

هِشَام حُسْني

    القاهرة

خَلَاص ارْتَحْت؟

خَلاص ارْتِحْـت؟

خَلاص قلْبَـك ضِحِكْت عَليه؟

خَلاص فهّمْتـه يِنْسَـى ازّاي؟

ويِعْمِـل إيْــه؟

عَلِينــا بَـس مِن دَه بـإيـه؟
مَــأ كَـان الجَـرْح مِــدّارِي ..

كَشَفْــت الجَـرْح أصلاً لِيـه؟

ما قُولْنـا خَـلاص حـ نِتْعـلّــم ..
نِعِيــش من غِيــر ما نِتْـأَلّــم .. 

ما كـنّــا ساعـات بِـنِتْـكَلّــم ..

أَفَضْـفَضْـلَك .. وأشْكِيـلَـك ..

وتِوْحَشْـنِي ..

وأَعْمِــل نَفْسِي باحْكِـيلَـك ..

"واحِشْـنِـي" ..

قُلْتَـهَا؟ .. نِفْسِـي ..

أقُـولْهَـالَـك؟ .. أقُولْهــا ازّاي؟ .. 

فِـ وِسْـط كَـلام .. 

عَشَـان يِمْكِــن تَاخُــدْ بَـالَك ؟ ..

أقُـولْهالَـك كَمَـان ؟؟ .. 
نِفْسِـي ..

حَـ اقُولْها مَـرّة مِن نِفْسِـي ..

"واحِشْنِــي" ..
بـ اقُـولْهالَـك وانـا زعْـلانَـة من نَفْسِـي ..

وحـ انْسَى ازّاي؟
أَشِيْـل كَام حَـرْف من اسمِـي؟
ما إسْمَـك في حُـرُوف إسْمِي ..
حَـ يِفْضَـل حَـرْف ولّا اتْنيــن ؟ ..
حَـ يِحْصل إيـه ؟
حَـ أقُـول للنّـاس ماتِنْـدَهْلِيـش ..
واحَـاول اعِيــش ..
ما إسْمِـي لَـو يِسِـيب إسْمَـــك ..
ما يِـلْزَمْنِيــش ..
خَـلاص شِـلْتوا الحُرُوف منّي ؟..
خَـلاص كُـلّ الأسَــامي " مفِيــش" ..

وصُـورْتَـك بَرْضُـه اشِيلْـها ازّاي؟
كِتِيـر صُـوَرِي القَـديمَـة معــاك ..
أَشِيلْـها من الـوَرَق .. جَايِــز ..
وأتْحَـايل على قَلْبِــي ..
يِشِيلْـهَـا ..
يقُول لِي مشْ قَــادِر ..
ومـش عَـايِــز ..
وأَرْجَـع تَانِــي واتْحَـايِـل ..
واقُـول يِمْـكِن ..
يِقُـول لِي بـدَمْعُـه مـش مُمكِـن ..

وتِـوْحَشْـنِي ..
ونِفْسِـي أقُـولْهـا مِن تَـانـي ..
وأسْمَـع ضِـحْكِتَـك تَانــي ..
واحِبّــكْ بَـرضُـه من تـانِـي ..

واقـولْهَـا ازّاي؟
واحِـبّ ازّاي؟

"وعِــزّة نَفْـسِي مَانْـعَــانِــي"

هِشـام حُـســني

القاهرة        

ديسمبر - ٢٠١٣ 

عَــــذْبٌ حَـدِيْـثُـــكَ

يَـا هَـاجِري .. رُحْمَــاكَ قَــدْ أَعْيَيْـتَـنِي

أَشْـكُـــوكَ أَمْ أَشْـكُـــو فُــؤَادَا مُسْتَعِــرْ

أَهْـفُـــو إِلَيْــكَ أَمَــا عَـلِـمْـتَ صَبَابَتِــي

أَمْ قَــدْ عَـلِمْــتَ وَرَغْــمَ ذَلِــكَ مُسْتَمِـرْ

قُــل لِـي بِـرَبّـــكَ كَيْــفَ يَغْفُــو جَفْنُــكَ

أَمْ لا يُضِــيرُكَ مَـا أُقَاسِـــي مِـنْ سَهَرْ

مِــنْ بَعْــدِ هَجْــرِكَ كُــلّ مَـا أَبْقَيْـتَ لِـي

قَلْبَــاً يَتُـــوقُ إِلَيْـــكَ .. عَفْــوَاً يَنْفَطِـــرْ

إِنْ قَـــالَ أَنّـــكَ وَاصِـلِــي .. كَــذّبْـتَـــهُ

إِنْ قَـــالَ أَنّـــكَ هَاجِـــرِي دَمْعِــي يَفِــرْ

*   *   *

تَلْهُـــو وَتَلْعَـــبُ مِــثْـلَ طِـفْــلٍ عَــابِــثٍ

وَجَعَلْـــتَ مَـا يُـلْهِـيــكَ أَفْـئِــدَةَ البَــشَــرْ

وَتَـقُــولُ عُـــذْرَا مَــا قَـصَــدتُ إِسَــاءَةً

أَكَـــــذَا يُبَــــرّرُ فِـعْــلَــهُ مَــنَ يَعْـــــتَذِرْ

أَتُــــرَاكَ تَغْـفَـــــلُ عَــنْ هَـــوَايَ وَإِنّـــهُ

فِــي الحُـــبّ لَا إِدْرَاكَ لَا شَــيْءٌ عَسِـرْ

هُـــوَ مَــا تُحِــسّ بِــهِ تَـفِـيْـــضُ بِقَـوْلِــهِ

وَكَـــذَا تَـعَـاقَـــبَ فِي الهَـوَى كُلّ البَشَــرْ

*   *   *

"لَاتَـغْــضَــبَـــنّ فَــإِنّ قَــلْبِــــيَ عَــاشِــقُ

وَمُـتَــيّـــمُ لَــوْ كُـنْــتَ تَعْـلَـــمُ ذَا الخَبَــــرْ

أَرْجُـــوكَ مِـنْ دُونِ الـوَرَى لَا أَبْـتَـغِـــي

أَحَــــدَاً سِــوَاكَ وَمَـا لِـقَـلْـبِـكَ مَـا صَبَــرْ

أَشْتَــــاقُ حِـيْــــنَ أَرَاكَ عِـلْمِـــيَ أَنّـــهَــا

هِــيَ بِضْــعُ سَـاعَـاتٍ وَيُـدْرِكُـكَ السّفَــرْ

وَإِلَــيّ تُــرْسِــلُ رَاحَتَـيْـــكَ مُـصَــافِـحَــاً

يَـالَـيْـتَ قَــلْبِــي فِـي يَــدَيّ قَـــدِ اسْـتَــقَـرْ

فَــــإِذَا فَــرَغْـتَ مِـنَ السّـــلَامِ تَعَــانَـقَـــتْ

فِـــي الــحُـــبّ عَـيْنَـانَــا وَأَيْقَنْـــتُ الخَطَـرْ

أَيـقَـــنْــــــتُ أَنّــــكَ لَا مَـحَــــالَـــةَ رَاحِـــلٌ

وَبِـأَنّـنِـــي فِـي وَحْشَـتِي أُمْـضِـــي السّحَـرْ

يَــأْتِـيــنِــــي صَــوْتُـــكَ هَـــادِئَــاً لَــكِــنّـــهُ

هَـيْـهَـاتَ يُـغْــنِي الصّوْتُ عَنْ حُلْوِ الصّوَرْ

هَـــيْـهَــاتَ يُـغْــنِـــي عَـنْ لِـقَــائِكَ هَـاتِــفُ

عَــــذْبٌ حَـدِيْـثُـــكَ إِنّـمَـــا شَــوْقِــي أَمَــــرّ

أَذْهَبْـــتَ عَـقْـلِــي فِــي هَـــوَاكَ وَلُـمْتَنِـــي

أَعَلِمْـتَ مَنْ أَدْمَى الفُؤَادَ وَمَنْ هَجَــــرْ؟؟"

هِشَــام حُسْـنِي

القَاهِرَة       

سِكِتّ خَلَاصْ

سِكِـتّ خَـلَاصْ ..

مَاعُدتّـشْ أَسْأَلِـكْ تَانِـي ..

تِـرُدّي زَيّ مَاتْـرُدِّيـشْ ..

حَـ احَـاوِل اعِيـشْ ..

مَا نَفْـس القِصّـة مِتْـعَـادَة ..

بِـدُونْ تَـجْـدِيـدْ ..
كَـلَام العِيـنْ ..
سَلَام الإِيـدْ ..
هَدَايَـا العِيـدْ ..
حَـ يِحْصَـلْ إيـهْ مَعَـانَا جـدِيـدْ؟

حَـ يِنْسَالْـنَا الزّمَان طَبْعُـه؟
مَاهُـوشْ طَبْعُـه ..
حَـ نِـتْحَـايِـل عَلِيـهْ يِنْسَـى؟
مَا يَامَا زَيّنَـا اتْحَـايْلُــو ..
مَاعَادْشِ يفِيــدْ

وَبَرْضُـه حَـ احَـاوِل انْسَـاكِ ..
و تِنْسِينِـي ..
مَا قَالُـوا الوَقْـت بِيْـنَسّي ..
شُوَيّـة وَقْـت بِالتّأْكِيـدْ ..

أَكِيـدْ حَـ نعِيـشْ فِـي حِيـرِةْ "لَـوْ .."
وَحَـ نلُـوم الظّـرُوف وِالجَـوْ ..
وِنِزْعَـل مِـ الحَيَـاة وِنقُـولْ ..
"مَا وَعَدِتْنَـا الحَيَـاة تِحْلَـوّ"
مَادَامْ نَـاوْيَـة الحَيَـاة تِخْلِـفْ ..
بِتِوْعِـدْ لِيــهْ؟؟

وَاشُـوفْ إسْمِـك .. وَاشُـوفْ صُـورْتِـكْ ..
فِـ صَفْحِـة "نِـتْ" ..
فِي ضِحْكَـة بَـسْ مَكْتُـوبَـة ..
فِي غَمْـزَة بفَاصْـلَة مَقْـلُوبَـة ..
فِي قُولِـة "lol" ..
وِتِـرْجَـعْ ذِكْـرَيَـاتِـي تطُــلْ ..
وِتِـتْـنَطّـطْ قُصَادْ عِينِي كَمَا العَفَـارِيتْ ..
مَا عَادْشِ الوَقْت بِيْنَسّي ..
وَلَا يقَسّي ..
عَذَابِي فـ كُلّ يُومْ بِيْـزِيــدْ ..

وِأَسْرَحْ فِي كَلَام "ثُــومَة" ..
عَـن "التّنْهِيـدْ" ..
عَـن "الوَحْشَـة" ..
عَـن "التّسْهِيْـدْ" ..
كَلَام "ثُـومَة" كَإنّـه جـدِيدْ ..
كَلَام بِيْعِـيد قِصَصْ كَانِتْ زَمَان .. وِيزِيدْ ..

هِـنَا أَوّلْ سَلَام بِالإيْــدْ ..
وِدِي أَوّلْ هِـدِيّة عِيْــدْ ..
"بَحِبِّـك .. قُولْهَا بِعْنِيـكْ مِنْ بِعِيـدْ لِبعِيـدْ" ..

حَـ يِحْصَـل إِيْـه مَعَانَـا جـدِيـدْ؟
مفيش تَـجْـدِيـدْ ..

مَا نَفْـس القِصّـة مِتْعَـادَة ..
وَاحَاوِلْ اعِيـشْ ..

وِأَرْجَـعْ أسْأَلِكْ تَـانِـي ..
وِمَاتْـرُدّيْـشْ ..

سِكِـتّ خَـلَاصْ !!

هِشَام حُسْنِي

القَاهِرَة     

نُوفَمبر ٢٠١٣ 

تَعَلّم كَيْفَ تَهْوَى

أُحِبّــكِ طِـفْلَــة تَـلْهُــو بِـقَـلْـبِـــي

وَأَشْـكُــو مِـنْــكِ أَحْيَـانًــاً لِأَنّــي

يُـؤَنّـبُنِــي فُـــؤَادِي فِـي هَــوَاكِ

وَيُمْعِنُ فِي الرّجَاءِ وَفِي التّمَنّي

يُـلِــــحّ عَلَـيّ أَنْ أَنْسَـاكِ أَبَـــداً

وَأَنْ أُقْصِيَـهُ عَـنْ هَـذَا التّجَنّي

وَلَـكِـنّــي أُحِـبّـــكِ لَا أُبَـــالِــــي

وَعَفْــواً يَا فُـؤَادِي لَا تَـلُمْنِـــي

*   *   *

أَهِيْــمُ بِهَـا وَيُسْكِـرُنِـي غِنَاهَــا

هُيَامَ اللّحن فِي صَوْتِ المُغَنّي

تُـوَاعِـــدُنِـي وَتُخْــلِفُـنِي مِـرَاراً

وَإِنْ أَخْـلَفْــتُهَـا وَعْـداً تَسَلْنِــي

تَـثُــورُ عَلَيّ لَا أُخْـفِيْـــــكَ قَوْلاً

وَيُـرْضِيْـهَــا لَطِيفُ القَوْلِ مِنّـي

فَـأُوقِـنُ أَنّهَــا نَسِيَـتْ خِصَامِـي

وَأَنّ الحُــبَّ أَصْــدَقَ فِيهِ ظَنّـي

فَتَـقْسُــو ثُـمّ تَهْـجُــرُ فِـي إِبَــاءٍ

وَتَهْـدِمُ مَا اسْتَقَــرّ عَلَيْـهِ شَأْنِي

*   *   *

أَكَــادُ أُجَـنّ مِـنْ لَهَـفٍ عَلَيْهَـــا

وَتُبْصِــرُهَا بِكُـلّ النّـاسِ عَيْنِـي

أَصُــوْنُ فُـؤَادَهَـا وَأَذُوبُ حُبّـــاً

وَأَعْــذُرُ قَلْبَهَــا إِنْ لَــمْ يَصُنّـي

وَأَمْشِــي فِـي دُرُوبٍ جَمّـعَـتْنَــا

فَيَا لَيْـتَ الـدّرُوبَ اليُـومَ تُغْنِــي

فَأَسْمَـعُ مَنْ يُخَاطِـبُنِـي بِهَمْـسٍ

"حَمَــدتُ الله أَنّـــكَ لَـمْ تَخُنّـــي

وَأَنّــكَ صَـادِقٌ فِـي الحُـبّ لَكِـنْ

تَعَلّــمْ كَيْـفَ تَهْـوَى فِـي تَـأَنّـي"

هِشَام حُـسْنِـي

القَاهِرة - ١٩٩٥   

صَنْدُوق خَشَب

صَنْدُوق خَشَب ..

مَحْبُوسَة فِيْه كُلّ الهَدَايَا وِاللّعَب ..

مَحْبُوسَة فِيْه أَجْمَل سِنِيْن العُمْر ..

أَيَّام البَرَاءَة والشّقَاوَة والشّغَب ..

سَنَة أُولَى .. في لَمْس الإيدِيْن ..

سَنَة أُولَى .. فِـي كَلَام العِينِين ..

سَنِة أُولَى كَانِت .. 
"عُمْرِي مااتْعَودت تِبْقَى مَعَايا .. وتفَكّــرْ لِوَحْدَكْ"

عُمْرِي مااتْخَيّلْت شَكْل العُمْر .. طَعْم العُمْر بَعْدِك

سَنَة أُولَى ..
إنْتَ العُمْر .. كُلّ العُمْر .. أَصْل العُمْر عَنْدَك ..

صَنْدُوق خَشَب ..

مَحْبُوسَة فِيْه كُلّ الهَدَايَا وِاللّعَب ..

أَنَا فَاكْرة يُوم أَوّل مِيعَاد ..

كَانْ عِيد مِيلادْ ..

أَنْا لِسّه فَاكْرَة هدِيّتُه ..

دَبْدُوب صُغَيّرْ .. لِسّه عَنْدِي بـ لَفّتُه ..

أَنَا لِسّه فَاكْرَة لُون بُوكِيه الوَرْد ..

فَاكْرَة يُومْهَا قُولْتِلِي ..

"مَعَلِش .. أَوّل مَرّة فِي حَيَاتِي أَهَادِي بـ وَرْد"

عَارْفَاك أَنَا ..

بِتْخَاف مَشَاعْرَك تِتْكِشِف ..

بِتْخَاف مَشَاعْرَك تِتْعِرِف ..

عَارْفَاك أَنَا ..

لَوْ حَدْ قَال لَك حَاجَة عَنّي بـ تِتْكِسِف ..

صَنْدُوق خَشَب ..

مَحْبُوسَة فِيْه كُلّ الهَدَايَا وِاللّعَب ..

عَارِف بَقَالْنَا كَام سَنَة؟
آخْرِ السّنَة دِي حـ يِبْقَى فَاتْ عِشْرِين سَنَة ..
عِشْرِين أَمَل ..
عِشْرِين أَلَـمْ ..
عِشْرِين مِيلَاد زَيّ النّهَارْدَة ..
ولِسّه بَرْضُه باسْأَلَك ..
مَعَلِش .. بَاسْأَل مِـ التّعَب ..
إِيْه السّبَب ؟!
لِيه الهَدَايَا واللّعَب ..
مَحْبُوسَة فِي صَنْدُوق خَشَب؟

هِشَام حُسْنِي

القَاهِرة

نُوفمْبر ٢٠١٣ 

اللَّعِب

أَوَقَـدْ خُلِقْـتِ منَ الغَضَـب؟

أَم مِنْ لِسَانـاتِ اللّهَـــــب؟

أَم صَــارَ قَلْبُــكِ جَــامِـــداً؟

أَوَمَا سَئِمْـــتِ مِنَ الـعَتَب؟

وَتــــرَاني إنْ حَــــــدّثْتـُهـا

رَدّتْ حَـــدِيْـــثاً مُقْـتَـضَــب

"لا شَيءْ، قَطْـعَا، ربّــما"

عجَــــباً لَـهَا يـا للْعَـجَــب

أَوَقُــــلْـتِ أعْــــــلَمُ أنــّــه

آتٍ إِلَــــيّ وَإنْ ذَهَـــــب؟

أمْ قُلْـــــتِ أَعْـــــلَمُ أنّـــــه

ما زَالَ يَنْـقُـصُـــهُ الأَدَب؟

أَمْ غَـيْــرَ ذَلِـــكَ كُلَــــــــه

والبَحْثُ جارٍ عَنْ سَبَـــبْ

تَاللـه كـَم أَشْــقى بِحُبّـــكِ

كَـيــفَ لي مِنْهُ الهَـــرَبْ؟

تأْبــى عَلَـيّ جــوارِحــــي

تَبّـاً لِقَـلـْـبي ما اكْـتَسَـــب

ظـنّ النّجــــــاةَ بقُــرْبِـــكِ

يا لَيْـتَ قَلْبِي ما اقْتَـــرَب

أَغْــرَتْــكِ فِـيـهِ حَـــدَاثَــةٌ

أرْدَتْــهُ سُــوءَ المَنْقَلَـــب

فَـــــقَتَـلـــْتِ فيــهِ بَـرَاءةً

وأَذَقْــتِــهِ كــلّ النّـصَـــب

هــلّا أَجَــبْـــتِ سُــــؤَالَــهُ

وَرَحمْتِ قَـلْـباً مُضطَـرِب؟

أَلَهَـــوْتِ ما يَــكْفيــكِ أَم

ما زالَ يُغْرِيــكِ اللّعِــب؟

هِشَام حُسْنِي

القَاهِرَة
 اكتوبر ٢٠١٣ 

تَعَاشَّب شاي

تَعَاشّب شاى ..
وقوللى حـ تُحْكُموها ازّاي؟

بِحَدّ السّيف؟؟

بِشُغْل الكّيف؟؟

برِقّ وعود وطبلة وناي؟

تَعَاشّب شاي ..

وقوللى حـ تُحْكُموها ازّاي؟

حـ تِعْمل إيه مع اصْحابى ؟؟

حـ تعْمل إيه فـ وَهّابي؟؟

حـ تعْمل إيه فـ عمّ بشَاي؟
حـ تِسْمَحْلُه يخُشّ الجِيش؟
حـ تاخٌدْ مِنّه دَعْم العِيْش؟
حـ يدفع جِزية مَعْقُولة يَنَايْرِ الجّاي؟

تعَاشّب شاي ..

وقوللّي حـ تِحْسِبوها ازّاي ..

ضَرايب الفودْكا والبِيْرَة ..

يَجُوز نِشرَبْها تصبيرة ..

ونِسنِدها إذا شِئتُم ..

بحِتّة جِبْنَة وِفْطِيرَة ..

وتَعْمِيرَة ..
واذا خِلِص الغُمُوس مِنّي ..
وانا قاعِدْ ومِسْتَنّى ..

مِتِيْن مِلْيار ..
حـ تاخُدْ قَرْض ..
وبَعْدِ القِرْض تاخُدْ قَرْض ..
بِدُون فَايْدَة ..
يادُوب كَام أَلْف مَحْسُوبَة ..
لِزُوم النّقْل والتَشْوِيْن .. وسَبّوبَة

ماجَاش القَرْض
وكَمّلْت السّلَف أَعْذَار
وضَيّعْت المِتِين مِلْيار
كَلَام فَارِغ وشُغْل هزَار
وسَلّمْلِي علَى الثّوار
وخُدْ بُوسَة وحُضْن مَطَار

تَعَاشّب شَاي ..

وقوللّي حـ تِحْكموها ازّاي ..

حـ تِعْمِل إيه مَعَ جْرَانِي؟؟

ح تِطْعِمْهُم وتِنْساني؟؟

حـ تِسْقِيهم سولاري بحُور ..

وأرْجَعْ لِلطّابُور تَانِي؟

خَلاص .. خَلّصْت بِيعة الأرْض؟

قِبِلْت العَرْض؟

ما تِتّرَيَـقْش علَى عوّاد

حَيَالله هِىّ حِتّة أَرْض

ما فُوق الأَرْض ..

خَلّصْت السّنَن والفَرْض ..

وتَحْت الأَرْض ..

تِعدّي الخَلْـق رايح جاي!

تَعَاشّب شَاي
وقُوللّي حـ تُحْكُموها ازّاي

شِبِطتّ يا عَمّ فـ الثّوْرَة وفـ الصّنْدُوق

ولَوْ الثّوْرَة نِعْمِلْهَا

عَاوِز ثَوْرَة؟

حـ اجِيْب اتْنِيْن

وحـ انْزِل أَحْشِد المَلايِيْن

وأَمْلَى ياعَمّ فِـ المَيَادِين

وأَهْتِف ..

مَـ الهِتَاف جَاهِز بَقَالُه سنِين

ولَوْ قُلْت الكَلام بالذّوق

ما تِيجِى نبُصّ عـ الصّنْدُوق

دَه بَعْد النُّص بشْوَيّة

ده نُصّ الخَلْق مشْ طايْقاك .. وﻻ رايْداك

ساعِتْها .. لمّا كُنّا اصْحَاب

حـ تُحْكُمْنِى كِدَه عَافْيَة؟

دى شَبْكَة وﻻّ كَتْب كتَاب؟

خَلاص مَلّيتْ ..

طَلَبْت الخُلْع مِن حُكْمَك ..

ومَضّيت الحُشُود دى شهُود

ماعَدْش يجُوز ..

أَعِيش انا وانْتَ عِيشَة حَرَام ؟؟

ماعَدْش يجُوز ..

تِرَكّبْ عـ البَلَد "أَرَاجُوز"

هشام حسني

القاهرة

اكتوبر٢٠١٣ 

اللّمُـــون

(١)

اتنين لَمُون ..

ترابيزة سِتّاشَر هناك تاِلت زِبون ..

فيه بنت حاجْتاشَر سَنة ..

خايفة تِلْمَحْها العُيون ..

وِوَاد حِلِيوَة..
شَكْلُه اوّل مرة يِعْزِم عـ اللّمون ..
وإيدين بتحْضُن بعضَها ..
تستحْلِف الزّمن اللّى جاى ..
يفضل حَنُون ..
وصُوت "مُنير" ..
بِيْغنّى للشّجر اللّى شاب ..
و فِـ القلوب .. لسّه يادوب ..
بِيِتْوِلِد زَهْرِ اللّمُون ..

*   *   *

(٢)

دَخَل المُواطِن يِنْتِخِب .. على كلّ لُون ..

طال الطّابور .. عدّت ساعات ..
معَلِش .. كلّه اليوم يِهُون ..
من النّهاردَه أنا حـ ابقى حرّ  ..
خلاص مفيش لِلْخَلْف دُر ..
مِسِك الَوَرَق ..
يا نْهار غرَق ..
مِ الفِلّ .. للْمِهْبِلّ .. للمِحْوِلّ ..
على كام حَيْزِبون ..
دَه ورق يِدَخّل برلمان؟
ده يدوب يدخل بَنْزايون ..
طَبْ يِعْمل ايه؟؟
علّم علامة منِ الزّهق ..
ودعى المُنجّي من الغرق ..
فِـ الشّقّ راح رامي الورق ..
غرّق صُباعه فـ الدّواية ..
وصوّره .. وشيّره
مسح جبينه من العرق ..
وفـ قهوة عند المُفترق
نفخ همومه فـ الهوا ..
بحجرين لَمون

*   *   *

(٣)

زغاريد كِتِيرة مجَلْجِلَة وأنوار نيُون ..
واتفضّلوا الشَرْبات .. 
تعالوا اتفضلوا هنا فِـ الصّالون..
وضِحْكة تِتْـنطّط على وشّ البنات تِجري..

تلعب شوية وتِستريّح فى العيون ..
وألف مبروك .. وعُقبال البكاري ..
وربّنا يتمّم بخير ..
وحِلْو فستانِك .. تجَنّن طرحتِك ..
وكلام كتير ..
وروّحوا المعازيم .. واستَأذِنِتْ ..
تدخل تريّح فِـ السّرير ..
دخَلِتْ اوضِتْها لوَحْدَها ..
بصّت على الفُستان ..
وحلّت كام ضِفِيرة فـ شَعْرها ..
وللأسَف ..
بصّت على الدبْلة فـ إيديها ..
وللأسَف ..
الإسم هوّ الإسم ..
والرّسم اختَلَف ..
(معقولة دي؟؟
ينفع نعيش نفس الحكاية ..
بِحَدّ تاني مُختَلِف؟؟
يِنفَع نِعيش فى الدنيا دى ..
علَشان تعذّبْنا الصُّدَف؟؟
زعْلانة منّك ..
زعْلانة منّك بالقَوِي ..
زعْلانة يا أوّل حِكايَة فـ دُنيتى ..
يِنفَع كده؟
كلّ الحاجات الحِلْوَة إللي عرِفْتَها .. 
تِطْلَع سَلَف؟!)
ومِـ الشّجون .. دِمْعِتْ عُيُون ..
وفـ كفّها .. حاوْلِتْ تِدارى وِشّها ..
وِوِشّها .. من حُزنَها ..
قدّ اللّمون ..

*   *   *
(٤)

هَبَطِتْ عَليك المُعجزة .. وبَقيتْ مَلِك ..
تٌؤْمرْ وتِنْهى وتِمْتِلِك ..

مَوْكِب مَلِك ..
قَعْدِة مَلِك ..
أَكْلِة مَلِك ..
والكلّ فِـ الخير مِشْتِرِك ..
بَسّ الملك ..
طِلِع بِيِمْشى بزَمْبَـلِك ..
عَمّ المَلِك ..
صَحْصَحْ وفُوق ..
الشّعب مِـ الأوهام هِلِك ..
رَدّ المَلِك؟؟
ردّ المَلِك ..
( جَرَى إيه يا مَصْر؟! ..
مَـ المنجه رِخْصِتْ .. قُلْتِ لِك؟ )
المَنْجَه رِخْصِت؟!!
يا خلْق هوه ..
يا شعب هوه ..
يا مصر ياما شَرَحْتِلِك ..
فى ورْد مات جوّه البَلَد دى عَشان نِعِيش ..
عشان نكُون ..
وناس ماجابْهاش عَـ الكّراسي .. غِيرِ اللّمُون

هشام حسني

القاهرة     

سبتمبر ٢٠١٣ 

الشّيْـــخ

دَلَفَّ الرَّجُلُ الى الحَانُوت ..

يبتاعُ قليلاَ من كعْكات التوت ..

يَبْحَثُ عن شئٍ سهلِ المضْغ ..

ولفافةِ تبغ ..

أَرسلَ عينيْه تجُولُ .. وتَجول ..

لو رانَ على العقلِ ضبابٌ .. أَتُراهُ يزول؟ ..

جذَبتْ عيْنيه بِضاعةُ ذاكَ الصّف ..

- ماذاك الشئُ هناك؟؟

- أيْن؟؟

- فى ذاكَ الصّف !!

- آه .. هذا شيْخ!

- شيخ؟؟

- نعمْ شيخ .. وذلك أيضاً شيخ !!
  وذاك .. وذاك .. الكل شيوخ ..

- أيُباعُ الشيخ؟؟

- يباعُ الشّيْخُ إذا حَضَرَ المُبتاع ..

- يا الله .. إذاً .. حدّثْـنى عن أنواع الشّيْخ ..

- حسناً .. خُذْ هذا مثلاً ..

  

  هذا شيخ  "النّسْوة" ..

  حَسَنُ الصوت .. حسنُ الكسوة ..

  يُبتاعُ كثيراً عند قدومِ الصّيف ..

  تألَفْهُ جميلاً مثلَ شعاعِ الطّيْف ..

  رقيقُ الفتوى ..  نَدِيُّ النجْوى ..

  يُفتيكَ بما فعلتْ ليلى عند المجنون.. الذنبُ قليل ..

  وحذارِ بأنْ تَحْقرَ لُبنى .. فى حبِّ جميل ..

- جَمِيــل !! ..
  وماذا عن ذاك الشيخ؟؟

- هذا شيخُ "الليـل" ..

- شيخُ "الليل"؟!

- أجل .. شيخُ "الليل"

  ينشط بالليل ..

  حَبْرُ فى سِفْرِ "التُّحْفة"*..

  وحديثُ النُّطْفَةِ للنُّطفة ..

  لا فتْوى عِنْدَ الشّيْخ تصعدُ فوقَ السّرة ..

 انظرْ !!

 - يا شيخ .. ما حكم زواج الطّفلة؟؟

- أتُطيق؟؟

وانظر هذه!

- يا شيخ .. ما حكم المرأة إن أعياها الـ ....

- التطليق ..

- والثّيّبُ إنْ أنْهتْ عِقْدَ العِشْرين؟؟

- هه .. أين؟؟ .. أين هى؟؟

- ألدَيْكَ شيوخ أخرى؟؟

- نعمْ .. هذا .. شيخ "النُّخْبَة"

  لايعلمُ شَيْئاً عن آياتِ الزّهد ..

  وجُلُّ القَوْلِ لديْه .. أثَرُ النّعمةِ عند العبد ..

  غربىّ الملبسِ والسيارة ..

  إفْرِنجىُّ العطر ..

  ملكىّ العود ..

  الوقتُ لديهِ ضَنين .. إنْ كنتَ رقيقِ الحال ..

  إما إنْ كُنتَ منَ النّخبة ..

  تأتيكَ الفتوى .. فى الحال ..

  أتُجَرِّب؟؟

- لا بأس!

- يا شيخ! .. هلّا أخْبَرت السّائل كيف زكاة الضّأن؟؟

- كم أَلْفاً عندَه؟؟

- لا ألف !!

- لا ألف؟!! .. لا شيء .. أويقبل صاحِبُكَ الصدقات؟؟

- صدقات؟!! .. هيهات!

- عُذراً يا ولدى لا أحتَمِل التأخير .. عندى تصوير ..

  استودعُكَ الله ..

- ما بالُ الشيخ ؟؟

- ذاكَ الشّيخ؟؟

- نعم .. ما بالُ الشّيخِ علَيهِ غبار؟

- هذا شيخٌ ما عاد يبيع ..

  شيخٌ يتحرّى قولَ الحق ..

  فى زمنٍ .. تعلم فيه  بأنّ الحقّ يضيع ..

  شيخُ لا يُحسِنُ فِعلَ السّاسة ..

  إن كَذَبوا .. قالوا: إنّ الكذبَ كِياسة ..

  شيخ يصدقك إذا اخطأت  ..

  إن كان الذنب عظيم .. فالله حليم ..

  ولديه جِنانُ لا تُحصى ..

  ولديه عذابٌ جَدّ مقيم ..

- بالله عليكَ قد استكْفيت ..

  تكفينى كعْكاتُ التّوت ..

  وشيءٌ سهلُ المضغ ..

  وبَعْضُ التّبغ ..

هشام حسنى

القاهرة

اغسطس ٢٠١٣

* "تُحفة العروس" : كتاب تحفة العروس والذي يشتمل على مايحتاج إليه الزوجان لتحقيق حياة سعيدة بنّاءة 

دينَك .. ودِين أُمّــك وابُــوك *

دِينــك وديــن أمّــك وابــوك ..
إنتَ عـارف ديــن أبــوك؟
ولاّ ديــن حبّــة مشــايخ فهّمــوك ..
إن أخــوك مـش هـوّ اخُــوك ..
وان كلّ ولاد شِـارعْـكـو بيـكـرهُـوك ..
وانّ أصحَــاب الطّـفُــولَــة ..
صَـنْـف واطِــى بيِـحْـسـدُوك ..

دِين أَبُــوك ..

ديْــن مشــايخ وَرّطُـــوك؟؟

علّــمــوك شيل السّــــلاح

عّــلمــوا مـراتك تِجاهد .. 

حَتّــى لَـوْ كَــان بالنّـكـاح

لبّــسوا ابنــك كَـفَـــن

و فِـ "المُقَطّــــم"  ..

عّلمــــوك تِعْبُـــد وَثَـــن

والله لو طَلَــبِــتْ مَعاهُــمْ يِقْتِلُـــوك .. لَيِقْتِلُــوك

(حَسْــبِىَ الله .. انْـتُو ميـــن؟ 

انْتُــو شِـلّة مَأْجـــورين .. مَـدْسُــوسيـــن

تِفْـــهَمِ ايــــه فِـ الدّيــــن؟

انْتــو ديـــن حَبّــــة عِيـــــال

ديـن رِخِـيــص .. انتــو دِين بطّــال

انتُــــو دين حبّــة مَــوَالِــى

انتــو دين كـامْ ألْـف للسّلْــطان مُـوالــى

انتــو ديـــن هِــشّــكْ وبِـشّــكْ

انتــو دين وَرّيـنِــى وِشّــكْ

يابْنِــى فُـــوق .. أنا مِـش باغِشّــك

اللّى زيّــك عَنْــدِى .. لِسّـه ماتْـخَلَـقْـش

اللّـى زيّـــك عنْــدِى .. طِــين

اِنْتَ .. ح تعلّمْنِى دين؟؟

والله وسْمِعْــنا انّ للّيـبْرالــى والعِلْمانِــى دِيــن)

أفهم ايه عن ديــنَ أبُــوك؟!

إنّــه ديـن بِيْخـلّى عقْـلَـكْ فِـ "الجَمــاعَة"

مِـشْ مُهِـــم الفِكْـــر

قُـول "سَمعاً وطــاعَة"

زى ما يقــول " النّـقـيب " .. تِسْـتَجِـيْـب

عِيْـشَــة أَصْـــفى من الحَلِــــيب

انّمــا سَــاعة "النّفِـيـــر"

شِــيل سِـلاح زَىّ الحِمِــــير

إتْــرِكِـــبْ .. 

ما انــتَ اصْــلاً جنّـــدوك لَـجْـلِ الرّكــوب

لبّســوك يافْــطِة شَهِـــيد

عَيّـشُـــوك عِـيشــة العَبِــيد

تِتْحِـــرِقْ انتَ واهْلَـــك ..

بَــسّ ما تْمُـــوتْشِ "البِـتــاعَة - الجمــاعة"

(وِانْتــو دِيْــنْ بـــاع الجِـــهاد

دين يِــدلّــع فِـ العِــــباد

ديــن "يا بِيْــــبى .."

ديــن "يـوحّــد" قَبْــل قَفْـــل السّــكّة .. "جايـلِــكْ فِـ المِعــادْ"

ديــن نِسِــى الفُــتُوحــات ..

نِسِــى البُـطُــولات ..

والمَـجْــد اللى فَـــات ..

نِسِــى صَـلاح الـدّيــــن..

نِسِــى حِطّــــين..

ديــن "كيُــــوت" خَـــالِص

حَارْسَــك و صَـايْنَــك

انت لــو عـ "النّـــت"

ماتْشَـــيّرلِـــى ديــن !!)

دينــى فِيــه "حِطّـيــن" صحيح ..

بسّ فيه يُــوم "الجّمَـــل" وفيه "صِفّيــن"

همّـــا دول مــش كانــوا بَرضـه مؤمنين ومسلمين؟

قوللــى ميــن قاتِــــل علِـــى

قوللـى ميــن قَتَـــل الحُسـين

دمّ عَمّـــار بن ياسِــر ... شايِله مين؟

اللـــى كـــان فـــى الحَــرْب غَـــزُّه؟

ولاّ كــــان عَـ الحَـــرْب وَزُّه؟

قوللى فِيه كام الْــف ماتوا مَفْـتُــونِيْــن..

كُلّــــه باسْـــم الدّيـــــــن ..

ولّا دُول مالْــهُومْــش عَنْـــد الباشا ديــن؟؟

(الّلى ماتُـوا من سِنِين ..

والّلى ماتُـوا مِن يُومين ..

شُفْتُهُم زىّ الملايكة منَوّرين

العابدين .. السّاجِدين ..

المَقْتُولِيـن .. المَحْرُوقِين

أصْلِى مش زيّك شايفهم .. "مخطوفين"

الصّلاة .. أمْضَى سِلاح

والصّيام .. للرّوح رَوَاح

والقِيام .. حتّى الصّباح

والشّهيد لو تِسْأَلُه .. يِرْجَع يموت

أصل رُوحُه .. عارْفه هىّ رايحَة فين)

دينــى مِـشْ حَـبّـــة طُقُـــوس

دينــى مـْش عَـ النّــاس يِـدُوس

دينــى ما يْـوَزّعْــشِ سُـكّـر او فلـــوس

دينــى مِـشْ صُــوت انْتِــخابـــى

مـش حَبِيْـــس مَشْـــروع ضَبـــابِـى

دينــى بيْحــافظ علــى كُــلّ الّنّفُــــوس

دينــى مايْدَخّــلشِ جَنّــة .. بالصّكُـــوك

دينــى مايْقُـــولّْكْــــش اكْــــدِبْ

دينــى مايْقُــولّكْـــــش احْـرَق .. 

دينــى مايْقُــولّكْـــــش اقْتِــــل ..

دِيـــن ماقالْــش لمَصْــــر "طُــزْ" ..

هَـــات أجــانِب يِحْكُمــوك ..أو  يِنْقِــــذوك

هُـــوّ ده دينــــى ..

وديـــن أمّـــــــك ..

وفـَـــاكِرْ ..

هُـوّ دَه كَــان دِيْــن ابُــوك

بَــسّ أَنْـصَــاف المَشـــايخ عَـلّمُــــوك

ان غِيـــر ديـنَــــك ضَــــلال

حتّـــــى لَــــوْ كَــــــان دِيــــن أَبُــــــوك

 هشَام حُسْنِى

القَاهِرَة

أغُسْطُس ٢٠١٣

* رؤية نصية: د. حسن بدير

القَهْـــوة

(١) قَهْـوة سَـــادة

عــ اللـــى متربّــى فِـ ظــلام ..

عــ اللــى تــاجــر بالعبـــادة ..

مــ انـتَ لــو متــربّـى حـــر ..

عُمْــر ماتْــدوســـك بيــــادة ..

(٢) قَهْــوة عـ الـرّيحــة

- هـــوّ بُنّــك مــاله كــــارِف؟

- ماله؟ ريحته مش مريحة؟؟

- هــوّ ده مـش بنّ يمَنـِــــى؟؟

- لأْ .. دَه جايْـلِى من "أَريْحا"

(٣) قَهْــوة مظبــوط

- لَوْ تحـاوِل .. مـش حـ تقــدر ..

  أصْلِــــى جمّعْــت الخيــــوط ..

- هــوّ ميـن اللّـــى ادّاهــالَــك؟؟

- عمّــو "ســام" الأخطبـــوط ..

(٤) قَهْــوة مـانـــو
- انـت بتـكــفّــــرْنى ليـــــــــه؟؟
  انتَ عقـْــلكْ فِــــى مَكـــــانُه؟؟
  لسّــه حــ تــدوّر  عليـــــــه ؟؟
  إرْبُـــط الحبْــــل فــ وِدانـــه !!

(٥) بالحليب
- حُــط دمّــك جنْـــــب دمّــــــى
  مــــش ملاحــظ شئ غريب؟؟
  دمّــــى أطهَـــر يابـن عمّــــى؟
  أصـــــــل ده دمّ "النّــقـيــــب"

(٦) الزّيــــادة
- إنــــــــتَ ســامِـــــع دقّ زار؟؟
  ولاّ دى تســـابيح عبــــــــادة؟؟
- لأ .. بايـنّـــــه ضــرب نـــــار!!
- هىّ "رابعـــة" بقــت شهـادة؟

(٧) اسبرسّــو
- الخُــلاصــة عشـــان تعـــيـــش
  اللّــى احِسّـــــه لازم تِحِسّــــــه
  انّمـــا تبـيـعْلـــــى المفِيْـــــــــش
  خُــد مَفِيْشَــــك مش حــ امسّــه

هشام حسنى

القاهرة

اغسطس ٢٠١٣ 

الأنَــامِــل

أتعــــانقــــتْ مِنَّــا الأنــــامِــــلُ حَــــــقَّــاً؟؟

أَوَكُـــلُّ مــا أحسَسْـتُ آتٍ مِـــن يـــــــدِى؟؟

أَوَراجَـعَـــــتْ فــىَّ الحَـــــوادثُ نفْسَــــها؟؟

أَوَقِـــصَّةُ الأَمْــسِ أَمْ بُشْــــرَى غَــــــدِى؟؟

أنـــــا مــا حَــلـمْـــتُ بِـــأنْ أراكِ مُجَـــــدداً

أَوَ أنْتِ مَـنْ صافَحْـتُ؟ .. أمْ ضَـلَّتْ يَـدِى؟؟

هشام حسنى

القاهرة

صَوْصَوْ

وقـــع القتيـــل ..  فَــرْفَــر

طـلع الرئيــس .. صَوْصَـو

صرخ الجريح ..جَـعْجَــــع

رد العويـــــــل .. هَــوْهَـو

شخـط الجــرئ .. لَــعْلَـــع

سكت "الفصيل" .. نَـوْنَـو

فجــر الامــــل .. شَـقشـَـق
سمــع النِــــدا .. صَحصَـح

قولَـــك عليــه .. لَـجْـلَـــج

فِعلـــه عليـــك .. دَمْـــــدَم

نزل الميــــدان .. دَغْــــدَغ
افكــار لشيـــخ .. كَحْكَـــح

علشان عقــول .. تَــخْتَــخ
شايفــه الرخــا .. سَقْسَـق

رد الــــرضيـــــــع .. وَأْوَأ
لمّــا الكبيـــــــر .. مــَـأْمـَأ

ييجـِـي الرّخَــا .. زَمْــــزَم

!لــو الغــــراب .. زَقْـــزَق

هشام حسنى

القاهرة

يناير ٢٠١٣